“Çelsi”yə bu qədər tez yenilik gətirən futbolçu görməmişdim”

“Çelsi”nin keçmiş futbolçusu Con Obi Mikel komandada icarə əsasında çıxış edən yarımmüdafiəçi Ceydon Sançonun debütü haqda danışıb.

Komanda.az xarici KİV-ə istinadən xəbər verir ki, o, ingilis futbolçunun çıxışını yüksək qiymətləndirib:

“Uzun müddətdir ki, “Çelsi”yə gələn və komandaya bu qədər tez yenilik gətirən futbolçu görməmişdim. Sanço əla tərzdə oynayırdı. O, çox əla görünürdü”.

Sanço keçən həftə Premyer Liqada “Bornmut”la matçda (1:0) sonradan meydana daxil olaraq komandasının qələbə qazanmasına kömək edib.

24 yaşlı yarımmüdafiəçi icarə əsasında “Mançester Yunayted”dən “Çelsi”yə keçib.