“Palinyanın transferindən çox məmnun qaldım” – “Bayern” rəsmisi

“Bayern”in idman direktoru Yan-Kristian Drezen komandaya yeni gələn portuqaliyalı yarımmüdafiəçi Joao Palinya haqda danışıb.

Komanda.az “Sky Sports”-a istinadən xəbər verir ki, Münhen klubunun rəsmisi, Palinyanın transferindən məmnun qaldığını biıdirib:

“Palinyanın transferindən çox məmnun qaldım. Keçən il bu futbolçu ilə müqavilə imzalamaq istəyirdik. Və ona olan inamımız dəyişməyib. Lakin sonra “Fulhem” onun yerinə oyunçu tapa bilmədiyi üçün transfer baş tutmadı. İndi biz sevinirik ki, Joao buradadır. O, komandamızı gücləndirəcək”.

Portuqaliyalı yarımmüdafiəçi bu yay “Bayern”ə keçib. Onun transferi 51 milyon avro təşkil edib. Palinya Almaniya nəhəngi ilə 4 illik müqavilə imzalayıb.