“Yuventus”la yaxşı notla yekunlaşan görüş olub” – İtaliyalı futbolçunun agenti

“Yuventus”un müdafiəçisi Daniele Ruqaninin maraqlarını təmsil edən agent Davide Torçia yeni müqavilə ilə bağlı fikirlərini bölüşüb.

Komanda.az “Tuttomercato”-ya istinadən xəbər verir ki, futbol agenti gələcəyə inamlarının olduğunu bildirib:

“Bizim gələcəyə inamımız var. Artıq klubla yaxşı notla yekunlaşan görüş olub. Biz “Yuventus”un Çempionlar Liqasına vəsiqə qazanmasını gözləyirik, klub danışıqlar prosesini dayandırıb. Amma əminəm ki, hər şey yaxşı olacaq”.

İtaliyalı futbolçunun Turin klubu ilə müqaviləsi cari mövsümün sonunda başa çatır. O, bu mövsüm A Seriyasında 15 oyun keçirib və 2 qol vurub.