“Allahım, fələstinli məzlum qardaşlarımıza qələbə çalmağa kömək et”

“Bayern”in və Mərakeş millisinin müdafiəçisi Nussair Mazraui Fələstinə dəstəyini əsirgəməyib.

Komanda.az xarici KİV-ə istinadən xəbər verir ki, o, Mərakeş millisinin futbolçuları, məşqçiləri və tibbi heyətinin Afrika kuboku başlamazdan əvvəl oynadıqları oyunlara görə qazandıqları bütün bonusları fələstinlilərə bağışlayacaqlarını bildirib:

“Allahım, fələstinli məzlum qardaşlarımıza qələbə çalmağa kömək et. Allah ölənlərə rəhmət, yaralılara şəfa versin. Ürəyimiz bütün qurbanlarladır. Biz söz veririk ki, daha da humanitar təşəbbüslər göstərəcəyik”.

Oktyabrın 7-nə keçən gecə İsrail Qəzza zolağından raketlərlə atəşə tutulub. Bu hücumla Fələstin tərəfi hərbi əməliyyatların başladığını elan edib. Buna cavab olaraq İsrail hakimiyyəti də hərbi əməliyyata başlayıb və ehtiyatda olan hərbçilərin toplanacağını elan edib.