“Qarabağ”ın oyununa satılmış biletlərin sayı açıqlandı

Bakıda “Qarabağ” və Finlandiyanın HJK komandası arasında keçiriləcək Avropa Liqasının 3-cü təsnifat mərhələsinin ilk oyununa satılmış biletlərin sayı açıqlanıb.

Komanda.az xəbər verir ki, Tofiq Bəhramov adına Respublika stadionunda baş tutacaq görüş üçün indiyədək 18000 bilet satılıb.

Biletlərinin qiyməti, müvafiq olaraq 5, 10, 20, 30, 75 və 100 manat təşkil edir. VVIP C və VVIP D sektorlar üçün biletlərin qiyməti isə 200 manatdır.

Bu gün keçiriləcək qarşılaşma saat 20:00-da başlayacaq.