“Real” ingiltərəli futbolçu ilə razılığa gəlib

İspaniyanın “Real” klubu “Borussiya”nın (Dortmund) yarımmüdafiəçisi Çud Bellingem üçün rəsmi sorğu göndərmək niyyətindədir.

Komanda.az xarici KİV-ə istinadən xəbər verir ki, “kral klubu” artıq ingiltərəli futbolçunun özü ilə mümkün müqavilənin şərtlərini razılaşdırıb. Dortmund təmsilçisi ilə danışıqların aparılması planlaşdırılır.

Danışıqların şərtləri “Borussiya”nın Bundesliqadakı çempionluq uğrunda mübarizəsindən asılıdır.

Bellingem cari mövsümdə Almaniya klubunun heyətində bütün turnirlər daxil olmaqla 42 oyuna çıxıb, 14 qol vurub və 7 məhsuldar ötürmə edib.