Azərbaycan gimnastı Almaniyada qızıl medal qazandı

Azərbaycanın bədii gimnastı Leyli Ağazadə Almaniyanın Leverkuzen şəhərində keçirilən “4-cü Qış kuboku” yarışında qızıl medal qazanıb.

Azərbaycan Gimnastika Federasiyasından Komanda.az-a verilən məlumata görə, milli komandanın üzvü lentlə hərəkətlərin icrasında fəxri kürsünün ən yüksək pilləsinə qalxıb.

Daha əvvəl Alina Məmmədova topla hərəkətlərdə ikinci yeri tutub.

Yarışa dekabrın 12-də yekun vurulacaq.