DÇ-2022: “Niderland gözləmədiyim tərzdə oynadı” – Skaloni

Argentina millisinin baş məşqçisi Lionel Skaloni DÇ-2022-nin 1/4 final mərhələsinin Niderlandla oyununu şərh edib.

Komanda.az “The Guardian”-a istinadən xəbər verir ki, o, Lionel Messinin bütün zamanların ən yaxşı oyunçusu olduğunu deyib:

“Oyun qızğın keçdi. Bu, 1/4 final matçı idi. Meydanda olanlar meydanda da qalır. Lionel Messi çox vacib oyunçudur. O, bütün zamanların ən yaxşısı olduğunu bir daha göstərdi. Biz xoşbəxtik ki, o, bizimlə bərabərdir.

Niderland gözləmədiyim tərzdə oynadı. Mən onların futbol fəlsəfəsi haqqında danışmayacam. İkinci hissədə çirkin oyun oldu”.

Argentina yığması DÇ-2022-nin 1/4 finalında Niderlandı məğlub edərək (penaltilər – 4:3), yarımfinala vəsiqə qazanıb. Onların rəqibi Xorvatiya milli komandası olacaq.