Roberto Karlosdan özbək futbolçuya təbrik

Braziliyalı sabiq müdafiəçi Roberto Karlos Rusiyanın “Ural” klubunda çıxış edən özbəkistanlı yarımmüdafiəçi Oston Urunovu toyu münasibətilə təbrik edib.

Komanda.az xəbər verir ki, Karlos Urunova video-təbrik göndərib. Oston isə bunu sosial şəbəkədə paylaşaraq, “Təşəkkür edirəm” yazıb.

Roberto Karlos “Real”la dörd dəfə İspaniya çempionu, üç dəfə Çempionlar Liqasının qalibi olub. O, Braziliya millisi ilə 2002-ci ildə dünya çempionu adını qazanıb. Braziliyalı keçmiş futbolçu “Real”dan başqa, “İnter”, “Anji”, “Fənərbaxça” kimi klublarda da çıxış edib.

Oston Urunov Özbəkistan “Paxtakor”unun yetirməsidir.

Bizi Telegramda izləyin