Afrikada ilin ən yaxşı oyunçusu adına namizədlər

Afrika Futbol Konfederasiyası (CAF) 2021/22 mövsümünün ən yaxşı futbolçusu adına namizədlərin siyahısını açıqlayıb.

Komanda.az xəbər verir ki, siyahıda bu oyunçuların adları yer alıb:

Sadio Mane (“Bayern”, Seneqal), Məhəmməd Salah (“Liverpul”, Misir), Riyad Mahrez (“Mançester Siti”, Əlcəzair), Karl Toko-Ekambi (“Olimpik”, Lion, Kamerun), Vensan Abubakar (“Əl-Nəssr”, Kamerun), Sebastyan Haller (“Ayaks”, Fil Dişi Sahili), Nabi Keyta (“Liverpul”, Qvineya), Əşrəf Hakimi (PSJ, Mərakeş), Eduard Mendi (“Çelsi”, Seneqal), Kalidu Kulibali (“Napoli”, Seneqal).

İlin komandası adı uğrunda Burkina Faso, Misir, Kamerun, Mərakeş və Seneqal milliləri mübarizə aparacaq.

Qaliblər konfederasiyanın texniki komitəsinin, jurnalistlərin, milli komandaların baş məşqçilərinin və kapitanlarının səsverməsi ilə müəyyənləşəcək.

Qaliblər iyulun 21-də açıqlanacaq.