Qurban Qurbanov: “Yaxşı oyunla vacib qələbə qazandıq”

“Qarabağ”ın baş məşqçi Qurban Qurbanov Premyer Liqanın 24-cü turu çərçivəsində “Sabah”a qarşı keçirdikləri oyunu şərh edib.

Komanda.az xəbər verir ki, Ağdam klubunun çalışdırıcısı 3:0 hesabıyla qalib gəldikləri oyundan sonra təşkil olunan mətbuat konfransında bunları söyləyib:

• Futbolçularımı təbrik edirəm. Vacib qələbə qazandıq. Həm də yaxşı oyunla. Bundan əvvəlki oyunlarda bu rəqibə qalib gələ bilmirdik. Bu gün hesab 3:0 olsa da, rəqib pis oynamadı. Elşad Əhmədovu təbrik edirəm. Oyundan oyuna daha yaxşı olurlar.
• Bundan sonrakı turlarda ən çətin oyun hansını görürsüz?
• Növbəti oyun. Sona az qalıb. Hər oyun daha çətin olur, daha böyük məsuliyyət tələb edir. Hər növbəti oyun daha çətin olacaq.
• Reynaldo və İnnosent Emeqara nə üçün ehtiyatdadı?
• Digər futbolçular heç də pis oyun sərgiləmir. Onları da qarşıdakı oyunlarda əsas heyətdə görə bilərik.
• Məlumatlar yayılıb ki, “Qarabağ” bəzi legionerlərlə yollarını ayıracaq…
• Hələ heç bir futbolçuyla bağlı qərar verilməyib. Əlbəttə ki, yenə də dəyişikliklər olacaq.

Şahin Cəfərov