AÇ-2021: Millinin oyunlarının təqvimi açıqlandı

Kişi voleybolçular arasında 2021-ci ildə keçiriləcək Avropa çempionatının təsnifat mərhələsinin oyunlarının vaxtı açıqlanıb.

Komanda.az xəbər verir ki, yığmamız F qrupunda Monteneqro, Gürcüstan və Yunanıstan millilərinə qarşı mübarizə aparacaq.

Reqlamentə əsasən oyunlar iki dövrədən ibarət olacaq. Birinci dövrə Gürcüstanda, ikinci dövrə isə Monteneqroda baş tutacaq. Millimiz ilk matçını may ayının 7-də Gürcüstanda Monteneqro yığmasına qarşı keçirəcək.

Qeyd edək ki, seçmə mərhələnin 7 qrupunun qalibi və ikinci yer sahiblərindən 5 ən yaxşı nəticəyə malik yığma final mərhələsinə vəsiqə qazanacaq. Yarışın ev sahibləri Polşa, Estoniya, Finlandiya və Çexiya həlledici raunda birbaşa yüksəlib. Serbiya, Sloveniya, Fransa, Rusiya, İtaliya, Ukrayna, Almaniya və Belçika isə AÇ-2019-un nəticələrinə əsasən seçmə oyunlarından azaddır.

AÇ-2021-in seçmə mərhələsi
F qrupu

Birinci dövrə (Gürcüstan)

1-ci tur, 7 may
Azərbaycan – Monteneqro
Gürcüstan – Yunanıstan

2-ci tur, 8 may
Monteneqro – Yunanıstan
Azərbaycan – Gürcüstan

3-cü tur, 9 may
Yunanıstan – Azərbaycan
Monteneqro – Gürcüstan

İkinci dövrə (Monteneqro)

4-cü tur, 14 may
Gürcüstan – Yunanıstan
Monteneqro – Azərbaycan

5-ci tur, 15 may
Yunanıstan – Azərbaycan
Gürcüstan – Monteneqro

6-cı tur, 16 may
Azərbaycan – Gürcüstan
Yunanıstan – Monteneqro