Messinin La Liqada 500-cü oyunu

Futbol üzrə İspaniya La Liqasının 17-ci turu çərçivəsində keçirilən “Hueska” ilə səfər matçı “Barselona”nın kapitanı Lionel Messi üçün əlamətdar olub.

Komanda.az xəbər verir ki, start heyətində meydana daxil olan argentinalı hücumçu La Liqada 500-cü matçına çıxıb.

O, bu oyunlarda 451 qol vurub, 197 məhsuldar ötürmə müəllifi olub.

Qeyd edək ki, Lionel Messinin “Barselona” ilə müqavilə müddəti bu ilin yayına qədərdir.