“Azarkeşlər olmadan oynamaq qorxuncdur” – Messi

İspaniyanın “Barselona” klubunun hücumçusu Lionel Messi açıqlama verib.

Komanda.az “Marca”ya istinadən xəbər verir ki, futbol oynamağın çətinləşdiyini bildirən argentinalı futbolçu, La Liqadakı vəziyyətə də toxunub:

“Hər zaman bütün titulları qazanmağa çalışırıq. La Liqada bu qədər xal itirməməliydik, amma tədricən inkişaf edirik. Turnir cədvəlində irəliləmək üçün qarşıdakı oyunlarda qalib gəlməliyik. Pandemiya dövründə oyunlar çətinləşdi. Futbol çox dəyişib, hər kəs üçün çətindir, amma zamanla düzələcək.

Azarkeşlər olmadan oynamaq qorxuncdur. Oyun oynayırıq, amma bizə elə gəlir ki, sadəcə məşq keçirik. Azarkeşlər olmadan oynamaq çox çətindir”.