Sarriyə 2,8 milyon avro maaşla müqavilə təklif olunur

İtaliya A Seriyasının iki klubu – “Latsio” və “Atalanta” Mauritsio Sarrini baş məşqçi postuna gətirməkdə maraqlıdır.

Komanda.az xarici KİV-ə istinadən xəbər verir ki, 66 yaşlı məşqçiyə ən konkret təklif keçmiş komandası “Latsio”dan gəlib.

Klub rəhbərliyi onu illik 2,8 milyon avro məvaciblə komandaya qaytarmaq niyyətindədir.

Sarri 2021-2024-cü illərdə artıq “Latsio”da çalışıb. Onun rəhbərliyi altında “Napoli”, “Çelsi” (UEFA Avropa Liqasının qalibi) və “Yuventus” (A Seriyasının çempionu) kimi komandalar da uğurlu çıxışlar edib. O, hazırda işsizdir.