Azərbaycan millisinin “sükan”ı rus məşqçiyə tapşırıla bilər

Futzal üzrə Azərbaycan milli komandasının baş məşqçisi Vitali Borisov mayın 31-dək olan müqaviləsinin müddəti başa çatdıqdan sonra postunu tərk edəcək.

Komanda.az xəbər verir ki, federasiya rəhbərliyi komandanın cəmi iki xal toplayaraq sonuncu yeri tutduğu AÇ-2026-nın seçmə mərhələsinin əsas dövründə millinin çıxışından narazı qalıb. Borisovu əvəzləyə biləcək əsas namizəd də bəllidir.

Milli komandamızı “Araz-Naxçıvan”ın çalışdırıcısı Yevgeni Kukseviç çalışdırmağa yaxındır. Rusiyalı mütəxəssislə danışıqlar aparılacaq.