Levandovski: “Dekabrdakı bütün səhvləri təhlil etdik”

“Barselona”nın hücumçusu Robert Levandovski “Real” üzərində qələbədən (5:2) sonra komandasının çıxışından danışıb.

Komanda.az “Managing Barca”-ya istinadən xəbər verir ki, polşalı futbolçu bu mövsüm dekabra qədər yaxşı oynadıqlarını bildirib:

“Bu mövsüm dekabra qədər yaxşı oynadıq. Fasilə zamanı həmin ay buraxılan bütün səhvləri təhlil etdik”.

Kataloniyalılar dünən İspaniya superkubokunun finalında “Real”a qalib gələrək, mövsümün ilk kubokunu qazanıblar.

“Barselona” dekabrda iki qələbə qazanıb, iki dəfə məğlub olub və bir heç-heçə edib. Hans-Diter Flikin komandası yeni ilin əvvəlindən “Barbastro”, “Atletik” və “Real”ı məğlub edərək, hər üç matçda qalib gəlib.