3 xallıq fərqi aradan qaldırmaq istəyirik – Qurban Qurbanov

“Qarabağ”ın baş məşqçisi Qurban Qurbanovun Premyer Liqanın 15-ci turu çərçivəsində “Neftçi” ilə qarşılaşdıqları matçdan (1:1) sonra mətbuat konfransı keçirilib.

Komanda.az xəbər verir ki, Ağdam təmsilçisinin çalışdırıcısı oyunu belə şərh edib:

– Maraqlı oyun alındı. Əsl derbi deyərdim. Hər iki komanda qalib gəlmək istəyirdi. Hər iki komandanın oyununu gözəlləşdirən azarkeşlər oldu. Futbolçularıma təşəkkür edirəm, layiqli mübarizə apardılar.

– Komanda çempionata nə dərəcə hazırdı?
– Çatışmazlıqlar var. Pis oyun göstərdiyimizi düşünmürəm.

– Fasilədən əvvəlki “Neftçi” ilə indiki arasında fərq varmı?
– Oyuna ciddi hazırlaşmışdılar. Dəyişdiklərini düşünmürəm.

– Bordin 1:1 hesabını uğurlu sayır, bəs siz necə?
– Qalib gəlmək istəyirdik. Qarşıda oyunlarımız var. 3 xallıq fərqi aradan qaldırmaq istəyirik. Daha da yaxşı olacağıq.

– Almeydanın oyunu sizi qane etdimi?
– Hər bir futbolçunun oyunundan razı qaldım.

Şahin Cəfərov