27 il çalışdığı klubdan ayrıldı – “Mançester Yunayted”ə keçdi

“Everton”un futbol əməliyyatları üzrə direktoru David Harrison klubu tərk edib. O, 27 ildən sonra Mersisayd təmsilçisindən ayrılıb.

Komanda.az klubun rəsmi saytına istinadən xəbər verir ki, onun yeni iş yeri “Mançester Yunayted” olub. Harrison “qırmızı şeytanlar”ın akademiyasının, eyni zamanda, kişi və qadın komandalarının futbol əməliyyatlarını, müxtəlif yerlərə səfərləri və digər əlaqəli mövzular üzrə işləri icra edəcək.

O, təyinatı barədə belə deyib:

“Mançester Yunayted”də bu vəzifəni yerinə yetirəcəyim üçün xoşbəxtəm. “Everton”dakı 27 illik xatirələri hər zaman yaşadacam. Onlara gələcəkdə hər şeyin ən yaxşısını arzu edirəm. Hazırda bütün diqqətim “qırmızı şeytanlar” üçün əlimdən gələn hər şeyin ən yaxşısını etməkdir”.