Konfrans Liqası: “Neftçi”nin potensial rəqiblərinin cavab matçının başlama vaxtı bilinib

“Neftçi”nin UEFA Konfrans Liqasının 2-ci təsnifat mərhələsindəki potensial rəqibləri olan Bosniya və Herseqovina “Jelezniçar”ı ilə Belarusun “Dinamo” (Minsk) komandaları arasında Bakıda keçiriləcək cavab oyununun başlama saatı açıqlanıb.

Komanda.az UEFA-nın rəsmi saytına istinadən xəbər verir ki, iyulun 20-də oynanılacaq 1-ci təsnifat mərhələsinin ikinci qarşılaşması saat 21:00-da başlayacaq.

Görüş “Qarabağ”a məxsus “Azersun Arena”da keçiriləcək.

“Neftçi” 2-ci təsnifat mərhələsində bu cütün qalibi ilə qarşılaşacaq. Oyunlar iyulun 27-də və avqustun 3-də keçiriləcək.