Dani Alveş yenidən “Barselona”da

Braziliyalı müdafiəçi Dani Alveş “Barselona”nın gənclər komandası ilə məşqlərə başlayıb.

Komanda.az Kataloniya klubunun rəsmi saytına istinadən xəbər verir ki, 39 yaşlı futbolçu gələn ay Qətərdə təşkil ediləcək dünya çempionatında Braziliya yığmasının heyətində yer alacağına ümid edir.

Son olaraq Meksikanın “Pumas” klubunda çıxış etmiş Alveş formadan düşməmək üçün “Barselona”nın gənclər komandasında məşq edir.

Meksika liqasında mövsüm oktyabrın 1-də başa çatıb. 

2021-ci ilin noyabrında “Barselona”ya qayıdıb bir mövsüm keçirən Alveş, 2008-2016-cı illərdə də Kataloniya təmsilçisinin formasını geyinmişdi.