21-ci əsrdə ən çox qol vuran müdafiəçilər

Beynəlxalq Futbol Tarixi və Statistikaları Federasiyası (IFFHS) 21-ci əsrdə ən çox qol vurmuş müdafiəçilərin siyahısını tərtib edib.

Komanda.az IFFHS-nin rəsmi saytına istinadən xəbər verir ki, birinci pillədə hazırda İspaniyanın “Sevilya” klubunda çıxış edən Serxio Ramos qərarlaşıb.

37 yaşlı müdafiəçi 137 qolla yadda qalıb.

Şotlandiyanın “Reyncers” komandasından Ceyms Taverni (105 qol) ikinci, Estoniya təmsilçisi “Levadiya”dan Markus Yurqenson (85 qol) üçüncü sıradadır.

Serxio Ramos karyerası ərzində İspaniyanın “Real” və Fransanın PSJ klublarının da formasını geyinib.