Onlar da Ançelottinin ilin ən yaxşı məşqçisi olduğuna qərar verdilər

“Real”a başçılıq edən Karlo Ançelotti ilin ən yaxşı məşqçisi adına sahib çıxıb.

Komanda.az xarici KİV-ə istinadən xəbər verir ki, italiyalı mütəxəssis Amerikanın idman yayımçısı ESPN tərəfindən 2024-cü ilin ən yaxşı məşqçisi seçilib.

“Real” Ançelottinin rəhbərliyi altında 2024-cü ildə UEFA Çempionlar Liqasının, Qitələrarası kubokun, UEFA superkubokunun, İspaniya çempionatının və İspaniya superkubokunun qalibi olub.

Ançelotti daha əvvəl madridlilərin baş məşqçisi kimi 15-ci kubokunu qazanaraq, klub tarixinin ən uğurlu məşqçisi olub. O, həm də, FİFA tərəfindən 2024-cü ilin ən yaxşı məşqçisi seçilib.

65 yaşlı çalışdırıcının “Real”la hazırkı müqaviləsi 2025/26 mövsümünün sonuna qədərdir.