2023-cü ilin ən yaxşı futbolçusu bəlli oldu

Beynəlxalq Futbol Tarixi və Statistikaları Federasiyası (IFFHS) 2023-cü ilin ən yaxşı oyunçusunu açıqlayıb.

Komanda.az IFFHS-nin rəsmi saytına istinadən xəbər verir ki, bu ada İngiltərənin “Mançester Siti” klubunun norveçli hücumçusu Erlinq Haland layiq görülüb.

23 yaşlı forvard 208 xalla bütün rəqiblərini qabaqlayıb.

Fransa millisinin və PSJ-nin üzvü Kilian Mbappe 105 xalla ikinci, mövsümün əvvəlində PSJ-dən ABŞ-nin “İnter Mayami” klubuna keçən argentinalı Lionel Messi (85) üçüncü olub.

Haland cari ildə İngiltərə Premyer Liqasının, İngiltərə Kubokunun, UEFA Çempionlar Liqasının, UEFA Super Kubokunun və klublararası dünya çempionatının qalibi olub.