Daha bir il “Sumqayıt”da – rəsmi

2021/22 mövsümü üçün transfer çalışmalarını davam etdirən “Sumqayıt” klubu daha bir futbolçusu ilə müqaviləni yeniləyib.

Komanda.az klubun saytına istinadən xəbər verir ki, yarımmüdafiəçi Tellur Mütəllimov növbəti mövsümdə də “Sumqayıt”da çıxış edəcək. 26 yaşlı futbolçu ilə müddəti 2022-ci ilin yayına qədər olan sözləşmə imzalanıb.

Ötən mövsümdən “Sumqayıt”ın şərəfini qoruyan Tellur Mütəllimov ümümilikdə 25 oyunda meydana çıxıb. O, 3 dəfə də rəqib qapılarına yol tapmağa müvəffəq olub. Tellur həmçinin Azərbaycan milli komandasının da üzvüdür.