“2002-ci ildə “Liverpul”dan təklif almışdım” – “Səbail”in futbolçusu

“Səbail”in futbolçusu Maykl Essyen karyerası ilə bağlı açıqlama verib.

Komanda.az xəbər verir ki, “GHANAsoccernet.com” saytına danışan 37 yaşlı futbolçu, “Lion”a və “Real”a keçidi ilə bağlı danışıb:

“2002-ci ildə “Liverpul”dan təklif almışdım. Baş məşqçi Cerrard Ulyerlə danışmaq üçün Melvuda getdim. Onunla danışdıq və sonra Fransaya qayıtdım. Mənim üçün təkliflər gəlməyə davam edirdi – PSJ, “Marsel” və digərləri. Onlara getmək niyyətində olmadığımı dedim, klub da məni satmaq istəmədi. Daha bir il qalmağımı məsləhət gördülər, mən də qaldım. Bu, “Bastiya”da üçüncü ilim idi.

Fransaya gedəndə, “Lion” ən sevdiyim komanda idi. Menecerimə onlardan təklif gələcəyi halda, ora keçmək istəyəcəyimi dedim. PSJ-dən təklif gəldi. Mən Qanada olanda, zəng edib, bu barədə dedilər. Hətta milli televiziyada PSJ ilə müqavilə imzaladığımı demişdilər, mən isə Qanada idim. PSJ və “Lion” arasında qaldım, amma seçimim hər zaman “Lion” olub.

“Çelsi” ilə superkubok oyunu üçün Fransada olanda, mənə zəng gəldi. Əvvəl cavab vermək istəmədim, lakin sonra cavab verəndə, zəng edənin Joze Mourinyo olduğunu başa düşdüm. O, mənə “Real”a keçməyi təklif etdi, mən də ona hazır olduğumu dedim. Bu haqda menecerimə dedim, hər şey vaxtında tamamlandı. Hər kəslə sağollaşıb, Madridə yollandım”.

Essyen, qarşılaşdığı ən çətin futbolçunun da adını açıqlayıb:

“Stiven Cerrard və Pol Skoulz. Bu iki futbolçuya qarşı oynamaq hər zaman çətin olub”.