Avropa çempionatı: Azərbaycan millisinin oyunlarının tarixi müəyyənləşdi

19 yaşadək qadın futbolçulardan ibarət Azərbaycan milli komandasının Avropa çempionatının ikinci seçmə mərhələsində keçirəcəyi oyunların tarixi müəyyənləşib.

Komanda.az AFFA-nın saytına istinadən xəbər verir ki, B liqasından A liqasına vəsiqə qazanmaq uğrunda mübarizə aparacaq millimiz 1-ci qrupda Şimali İrlandiya, Farer adalar və Malta komandaları ilə qarşılaşacaq.

Bu qrupun oyunları gələn ilin aprel ayında Şimali İrlandiyada təşkil olunacaq. Milli aprelin 6-da Farer adaları, 9-da Malta, 12-də isə Şimali İrlandiya komandası ilə üz-üzə gələcək.