Ronaldodan ayda 100 min avro alır – FOTOLAR

“Mançester Yunayted”in futbolçusu Kriştiano Ronaldonun sevgilisi Corcina Rodriqesə ayda nə qədər pul ödədiyi məlum olub.

Komanda.az “Marca”ya istinadən xəbər verir ki, portuqaliyalı futbolçu övladlarına baxdığını əsas gətirərək, sevgilisi Rodriqesə aylıq 100 min avro ödəyir.

Ronaldo və Rodriqes cütlüyü futbol və şou dünyasında tanınan cütlüklərdən biridir. Onlar 2017-ci ildən birlikdədir.

Mövsümün əvvəlində “Yuventus”dan “Mançester Yunayted”ə qayıdan Kriştiano Ronaldo İngiltərədə ən çox qazanan futbolçular sırasındadır. Portuqaliyalı həftəlik 375 min funt-sterlinq, ildə isə 20 milyon funt-sterlinq qazanır. Bununla yanaşı, Ronaldonun oteli, adası və geyim brendləri də var. O, saç transplantasiyası mərkəzi ilə də əməkdaşlıq edir.