12 illik cəzası bitdi – 46 yaşında futbola döndü!

Futboldan 12 il müddətinə uzaqlaşdırılan Françesko Flaçi yaşıl meydanlara geri dönüb.

Komanda.az İtaliya mətbuatına istinadən xəbər verir ki, A seriyasının “köhnə futbolçular”ından olan Françesko 12 il sonra – 46 yaşında futbola qayıdıb. O, İtaliyanın 5-ci liqa komandalarından olan “Signa 1914” ilə müqavilə bağlayıb.

Karyerası ərzində A Seriyasında 134 oyuna çıxan Flaçi 42 qol vurub.

O, 2010-cu ildə narkotikadan istifadəyə görə futboldan uzaqlaşdırılmışdı.

Flaçi karyerası ərzində “Sampdoriya”, “Empoli”, “Breşiya” kimi komandalarda oynayıb.

Françesko Flaçi futbolla öz istəyi ilə vidalaşmaq və məşqçilik karyerasına başlamaq niyyətindədir.