Bu qələbəni 10 il gözləmişdilər

“Milan” 10 ildən sonra ilk dəfə UEFA Çempionlar Liqasının pley-off mərhələsində qələbəyə sevinib.

Komanda.az xarici KİV-ə istinadən xəbər verir ki, “qırmızı-qaralar” İngiltərə təmsilçisi “Tottenhem”i məğlub edərək (1:0), bunu bacarıb.

A Seriyasının çempionu buna qədər sonuncu dəfə 2013-cü ildə pley-offda “Barselona”dan üstün olub. Lakin cavab qarşılaşmasında üstün olan kataloniyalılar 1/4 finala vəsiqə qazanıblar.

Eyni zamanda, “Milan” 2012-ci ildən sonra ilk dəfə Premyer Liqa klubuna qalib gəlib. İtalyanlar buna qədər 2011/2012 mövsümünün 1/8 finalında “Arsenal”dan (4:0) güclü olub. Son 11 ildə britaniyalılarla baş tutan 5 görüşün hamısında rəqiblər qələbə sevinci yaşayıblar.

Çempionlar Liqasının 1/8 final mərhələsində “Tottenhem” – “Milan” cütünün cavab matçı martın 8-də, İngiltərədə keçiriləcək.