Ançelotti: “1/8 finaldakı rəqib bizi narahat edir”

“Real”ın baş məşqçisi Karlo Ançelotti Çempionlar Liqasının 1/8 final mərhələsinin püşkatmasının nəticələrini şərh edib.

Komanda.az “The Mirror”-a istinadən xəbər verir ki, italiyalı mütəxəssis onlar üçün asan olmayacağını bildirib:

“1/8 finaldakı rəqib bizi narahat edir, bu, ötən mövsümdən yaxşı tanıdığımız “Leyptsiq”dir. Onlara qarşı iki gərgin və çətin oyun keçirmişdik və bilirik ki, bir neçə aydan sonra bu dəfə də bizim üçün asan olmayacaq. Biz artıq bu rəqibin necə oynadığını bilirik”.

Çempionlar Liqasının 1/8 final mərhələsinin ilk oyunları fevralın 13, 14, 20 və 21-də, cavab görüşləri isə martın 5, 6, 12 və 13-də keçiriləcək.