ÇL: “1/4 finala çıxmaq ehtimalımız bir faiz olsa belə…”

“Liverpul”un baş məşqçisi Yurgen Klopp UEFA Çempionlar Liqasının 1/8 finalının “Real”la cavab matçından öncə danışıb.

Komanda.az BBC-yə istinadən xəbər verir ki, o, La Liqa təmsilçisini çox güclü rəqib adlandırıb:

“Mən üç həftə öncə dedim ki, “Real” artıq növbəti mərhələyə yüksəlib. 1/4 finala çıxmaq ehtimalımız bir faiz olsa belə, cəhd etmək istəyirik. Biz çox güclü rəqiblə oynamaq və qələbə qazanmaq üçün buradayıq”.

“Real” – “Liverpul” cütünün cavab qarşılaşması bu gün İspaniyada keçiriləcək.

İlk oyunda “kral klubu” Mersisayd təmsilçisini 5:2 hesabı ilə məğlub etmişdi.