“Əvvəlki oyunlarda təhlil etdiyimiz bütün səhvləri təkrarladıq” – Mourinyo

UEFA Çempionlar Liqasının 1/8 final mərhələsinin cavab oyunları çərçivəsində səfərdə “Leyptsiq”ə 0:3 hesabı ilə məğlub olan “Tottenhem”in baş məşqçisi Joze Mourinyo açıqlama verib.

Komanda.az İngiltərə mətbuatına istinadən xəbər verir ki, portuqaliyalı mütəxəssis, böyükhesablı məğlubiyyəti belə şərh edib:

“Hamımız mərhələni keçəcəyimizə inanırdıq. Çox güclü rəqiblə qarşılaşırdıq. İlk səhvi biz etdik və rəqib hesabı açdı. Bundan sonra oyun çətinləşdi. Əvvəlki oyunlarda təhlil etdiyimiz bütün səhvləri təkrarladıq. Rəqib fiziki olaraq çox yaxşı vəziyyətdədir. Bəzən çətin vəziyyətlər bizi gələcəyə hazırlaşdırar. Bura gələndə, problemlər vardı, amma komandada olan zədələrdən sonra vəziyyət daha da pisə doğru getdi. Bu oyuna, nəticəyə görə futbolçuları günahlandıra, daha artığını tələb edə bilmərəm. Onlar meydanda əllərindən gələni etdilər”.