Əsgərov liderə qol vurdu, komandası…

Futbol üzrə Latviya çempionatında 15-ci turun oyunları keçirilib.

Komanda.az xəbər verir ki, azərbaycanlı futbolçular – Vüqar Əsgərov, Elvin Sərkərov və Tural Bayramlının formasını geyindiyi “Dauqavpils” də növbəti matçına çıxıb.

Sözügedən kollektiv səfərdə lider RFS ilə üz-üzə gəlib. Futbolçularımızın komandası bu oyundan məğlubiyyətlə ayrılıb – 2:3.

Azərbaycanlı futbolçulardan yalnız Vüqar bu matçın iştirakçısı olub. O, start heyətdə meydana çıxıb və sonadək mübarizə aparıb.

Turalla Elvinin adı isə ümumiyyətlə bu matçın iştirak ərizəsinə daxil edilməyib.

Komandasının ilk qolunu da Vüqar vurub. O, 21-ci dəqiqədə fərqlənib. 46-cı dəqiqədə “Dauqavpils” 2-ci qolu da rəqib qapısından keçirib. Amma qalan dəqiqələrdə ardıcıl 3 top buraxan qonaqlar meydanı məğlub tərk etməli olublar.

“Dauqavpils” hazırda 16 xalla 9 komanda arasında 7-ci pillədə qərarlaşıb. Vüqar isə cari mövsümdə vurduğu 7 qolla çempionatın ən yaxşı iki bombardirindən biridi.