“Əsas taktikamız müdafiə olunmaq idi” – Mixal Bilek

Çexiyanın “Viktoriya” (Plzen) komandasının baş məşqçisi Mixal Bilek UEFA Çempionlar Liqasının pley-off mərhələsi çərçivəsində “Qarabağ”a qarşı keçirdikləri ilk oyunu şərh edib.

Komanda.az xəbər verir ki, o, Bakıda baş tutan və qolsuz bitən matçdan sonrakı mətbuat konfransında bunları söyləyib:

• Rəqibə böyük hörmətimiz var. Açıq oynasaydıq, matç daha sürətli və qaynar keçərdi. Əsas taktikamız müdafiə olunmaq idi.
• Heç-heçə ilə bağlı nə deyə bilərsiz?
• Biz bu nəticədən razıyıq. Bilirik ki, ölkəmizdə bizi daha ağır oyun gözləyir. “Qarabağ” çox güclü komandadır. Lakin qəbul edirik ki, burada şanslarımız daha çox idi.
• Oyunçularınız bu gün çox aqressiv idi. Bu haqda nə deyə bilərsiz?
• Düşünmürəm ki, aqressiv oyun göstərdik. Sadəcə, tələsirdik. Heç bir aqressiya göstərmədən oynadıq.
• Qapıçının oyununu necə qiymətləndirirsiz?
• Düşünürəm ki, qapıçı kifayət qədər yaxşı oynadı. Çexiyanın yaxşı qapıçılarından biridir. Ev oyunundada yaxşı nəticə göstərəcəyini bilirəm.
• Çexiyada komandanıza hansı amil kömək olacaq?
• Əsas amillərdən biri qapının qorunması olacaq.

Mehri Qurban