“Avropanın ən yüksək səviyyəli komandalarından biri bizə qarşı oynayırdı” – İnzaqi

“İnter”in baş məşqçisi Simone İnzaqi Çempionlar Liqasının qrup mərhələsinin 1-ci turunda “Bayern”ə məğlub olduqları matçı (0:2) şərh edib.

Komanda.az UEFA-nın rəsmi saytına istinadən xəbər verir ki, o, ikinci hissədə təzyiqi artırdıqlarını deyib:

“Avropanın ən güclü komandalarından biri olan, qeyri-adi komandaya qarşı ilk 20 dəqiqədə məğlub olduq. İlk qoldan sonra bütövlükdə komanda olaraq daha yaxşı oynamalı idik. Qol vurmaq üçün bir çox potensial imkanlar təşkil etdik, təəssüf ki, son ötürmələr alınmadı.

İkinci hissədə təzyiqi artırdıq və mübarizəni davam etdirmək imkanımız oldu. Aydın məsələdir ki, belə rəqiblərə qarşı matç mükəmməl keçirilməlidir. Avropanın ən yüksək səviyyəli komandalarından biri bizə qarşı oynayırdı”.

Çempionlar Liqasının qrup mərhələsinin 2-ci turunda “Bayern” “Barselona”, “İnter” isə “Viktoriya” (Plzen) ilə qarşılaşacaq. Oyunlar sentyabrın 13-də keçiriləcək.