Əliyar Ağayev Super Liqa matçına təyinat aldı

Azərbaycanlı hakimlər növbəti dəfə digər ölkənin yüksək liqasının oyununa təyinat alıb.

Komanda.az AFFA-nın saytına istinadən xəbər verir ki, Yunanıstan Futbol Federasiyasının dəvətinə əsasən, FİFA referisi Əliyar Ağayevin rəhbərlik etdiyi hakimlər briqadası Yunanıstan Super Liqasının çempionluq qrupunun 2-ci turunun “Panatinaikos” – PAOK matçını idarə edəcək.

Aprelin 4-də keçiriləcək qarşılaşmanın baş hakimi Əliyar Ağayev olacaq. Ona yan xətt hakimləri Zeynal Zeynalov və Akif Əmirəli kömək edəcəklər.