Zidana 120 milyon avroluq təklif

“Əl Nəsr” fransalı mütəxəssis Zinəddin Zidanı baş məşqçi postuna gətirməkdə israrlıdır.

Komanda.az “Marca”-ya istinadən xəbər verir ki, Səudiyyə Ərəbistanı klubunun rəhbərliyi “Real”ın sabiq çalışdırıcısına iki illik sözləşmə əsasında 120 milyon avroluq təklif göndərib.

Məşqçinin nümayəndələri hələlik təklifə münasibət bildirməyiblər.

Xatırladaq ki, aprelin 13-də “Əl Nəsr” baş məşqçi Rudi Qarsiyanı istefaya göndərib. Hazırda komandanı Dinko Yeliçiç çalışdırır.

Xorvatiyadan olan 49 yaşlı mütəxəssislə müqavilənin müddəti və digər detalları açıqlanmır. O, 2022-ci ilin yayından bu klubun U-19 komandasına rəhbərlik edirdi.

Öncədən “Əl Nəsr”in İtaliyanın “Roma” komandasının baş məşqçisi Joze Mourinyo ilə maraqlandığı bildirilirdi.