Ələsgərov: “Hədəfimiz qarşıdakı bütün oyunlarda qalib gəlməkdi”

“Neftçi”nin yarımmüdafiəçisi Namiq Ələsgərov Azərbaycan Premyer Liqasının 25-ci turu çərçivəsində “Sabah”a qarşı keçirdikləri oyunu (2:0) şərh edib.

Komanda.az xəbər verir ki, oyundakı hər iki qolun müəllifi olan futbolçu klubun rəsmi saytına açıqlamasında azarkeşlərin də dəstəyi ilə komandasının istəyinə nail olacağına inandığını deyib:

“Çətin oyun alındı. Çox vacib qələbə idi. Hədəfimiz qarşıdakı bütün oyunlarda qalib gəlməkdi. Həm 3 xal qazandığımız, həm də bu qələbədə pay sahibi olduğum üçün çox sevincliyəm. Bunda azarkeşlərimizin də rolu böyükdü. Onlara təşəkkür edirəm. Növbəti oyunlara da maksimum nəticə üçün çıxacağıq. İnanıram ki, azarkeşlərimizin də dəstəyi ilə istəyimizə nail olacağıq”.