Əhmədzadənin komandası böyük hesabla uduzdu

Futbol üzrə Ukrayna Premyer Liqasında 17-ci turun oyunları keçirilib.

Komanda.az xəbər verir ki, Azərbaycan millisinin hücumçusu Rüstəm Əhmədzadənin formasını geyindiyi “Minay” səfərdə “Aleksandriya” ilə qarşılaşıb.

Qarşılaşma meydan sahiblərinin 3:0 hesablı qələbəsiylə yekunlaşıb. “Aleksandriya”nın azərbaycanlı futbolçusu Emil Mustafayev zədəli olduğu üçün bu görüşün iştirakçısı olmayıb. Əvəzində Rüstəm 90 dəqiqə meydanda olub. “Minay”ın digər azərbaycanlı futbolçusu – Eldar Quliyev isə start heyətdə meydana çıxıb və 69-cu dəqiqədə əvəzlənib.

“Aleksandriya” bu qələbədən sonra 26 xalla 6-cı pillədə qərarlaşıb. “Minay” isə 10 xalla 16 kollektiv arasında 15-cidir.