Zidan üçün əlamətdar qələbə

“Real” İspaniya La Liqasının 3-cü turu çərçivəsində “Betis”ə 3:2 hesabı ilə qalib gəlib.

Komanda.az xəbər verir ki, bu qələbə “kral klubu”nun baş məşqçisi Zinəddin Zidan üçün əlamətdar olub. Bu barədə klubun rəsmi saytı məlumat yayıb.

Məlumata görə, “Betis” üzərində qələbə fransalı mütəxəssisin “Real”la La Liqadakı 100-cü qələbəsi olub. Zidan bu göstəriciyə 147 matçda çatıb.

2016-2018-ci illərdə “Real”ı çalışdıran Zidan 2019-cu ildə yenidən bu komandanın “sükanı arxasına” keçib.