“Yuventus” koronavirus testindən keçdi, nəticələri açıqladı

İtaliyanın “Yuventus” klubunun kollektivi növbəti dəfə koronavirus testindən keçirilib.

Komanda.az xəbər verir ki, bu barədə Turin təmsilçisinin rəsmi saytı məlumat yayıb.

Xəbərdə bütün testlərin nəticəsinin neqativ çıxdığı diqqətə çatdırılıb. Bu üzdən də komanda üzvləri klubun bazasında kiçik qruplar halında məşqləri davam etdirirlər. Yaxın günlərdə isə futbolçuların daha böyük qruplarla məşqlərə başlayacağı qeyd olunub.

Qeyd edək ki, koronavirus pandemiyasına görə dayandırılmış İtaliya A Seriyası ilə bağlı mayın 28-də qərar verilməsi gözlənilir.