“Yuventus”da 9 itki

“Yuventus” İtaliya A Seriyasının 30-cu turunda “Kalyari” ilə qarşılaşacaq.

Komanda.az xəbər verir ki, Turin təmsilçisi səfər qarşılaşmasına ciddi itkilərlə çıxacaq. Bu barədə İtaliya mətbuatı məlumat yayıb.

“Yuventus”da qapıçı Mattia Perin, müdafiəçilər Andrea Barzaqli, Leonardo Spinaççola, yarımmüdafiəçilər Sami Kxedira, Duqlas Kosta, Xuan Kuadrado, hücumçular Mario Mancukiç, Paulo Dibala və Kriştiano Ronaldo zədə səbəbindən sözügedən qarşılaşmada iştirak edə bilməyəcək.

“Kalyari” – “Yuventus” matçı bu gün, saat 23:00-da start götürəcək.