Rəşad Ergün
bütün yazıları
Natiq Muxtarlı
bütün yazıları
Hüseyn Cəbrayıloğlu
bütün yazıları
Vüqar Məmmədov
bütün yazıları


Qurban Qurbanovun təbəssümü

Vüqar Məmmədov email: ulvi.memmedov.1997@gmail.com

Uzun müddətdən sonra Azərbaycan Premyer Liqasında oyuna baxdım və yaxşı mənada təəccübləndim. Çünki oyun yüksək səviyyədə keçdi.

Təkcə oyun yox, futbol adına hər şey yüksək səviyyədə idi. O cümlədən hakimlik də yaxşı idi. Görünür, yaş, təcrübə hakimlikdə vacib amil imiş. Hakim-inspektorun Elbrus Abbasovun olması bir qədər narahatedici olsa da, bu hal problem yaratmadı. Niyə Elbrus Abbasovun hakim-inspektor olması narahatedici görünürdü? Çünki o, qarabağlıdı. Bir dəfə qarabağlı Adil Nadirov “Neftçi”nin oyununda hakim-inspektor idi. Və həmin oyunda “Qarabağ”la çempionluq uğrunda mübarizə aparan “Neftçi” mübahisəli şəkildə məğlub olmuşdu. Hər halda, həmin oyundan sonra bu məsələ xeyli müzakirə edildi. Amma “Qəbələ” - “Qarabağ” oyununda göründüyü kimi, problem olmadı.

Məğlub olmasına baxmayaraq, Qurban Qurbanov təmkinini pozmadı. Özündə güc tapıb mətbuat konfransında gülümsəməyi bacardı. Həm də uduzduqları halda oyunçularını müdafiə etdi və narazı qaldığı futbolçuların adını çəkmədi. Bildirdi ki, bu məsələləri bayıra çıxarmaq düzgün deyil.

Həmin gün keçirilən digər oyunda isə Samir Abasov yurnalistlərlə oyunçusunun əvəzedici heyətə göndərilməsinin vaxtı çatdığını müzakirə etdi. Biz burda qalib gələn və məğlub olan məşqçinin məğzi eyni olan məsələyə fərqli münasibətinin şahidi oluruq. Zənnimcə, burda Qurban Qurbanovun yanaşması daha düzgündü. Çünki mətbəxtdə nə baş verdiyinin müştəri, yəni tamaşaçı üçün əhəmiyyəti yoxdu. Müştərini hazır yemək, yəni keyfiyyətli oyun maraqlandırır.

Eləcə də şərhçinin oyunu necə şərh etməsi bayırda, tamaşaçılar içində müzakirə olunmalı deyil. Bunlar pərdə arxasında müzakirə olunmalı və ortaya keyfiyyətli, hazır “tamaşa” çıxmalıdı.

“Qəbələ” - “Qarabağ” matçının işıqlandırılması və şərhi barədə danışsaq, çəkiliş yaxşı idi. Amma bəzən mübahisəli epizodların, qayda pozuntularının təkrarının verilmədiyini də qeyd etməliyik. Bəlkə də, hakimlərin təzyiqlə üzləşməməsi üçün telekanala bu barədə tapşırıq olub. Belə bir tapşırıq olubsa, heç, bu başqa mövzudu, tapşırıq olmayıbsa, onda çəkilişin rejissorluğuna əla qiymət vermək olmaz.

Oyunun şərhi də normal idi. Amma dinləyərkən hiss olunurdu ki, şərhdə təhlil çatışmır. PRO səviyyəli oyunu hətta “C” lisenziyası olmayan şərhçinin təhlil edə bilməməsi normal haldı. Normal sayıla bilməyəcək hal isə iki eyni statuslu şərhçinin birlikdə oyunu şərh etməsidi. Bu nə qədər düzgündü? Şərhçilərin birinin yerinə oyunu təhlil etmək üçün işsiz məşqçilərdən birini dəvət etmək olmazdımı? Türkiyədə bu iş üçün analitik dəvət edəndə ona yüksək məbləğdə pul ödənilir. Bizdə isə çağırsalar, istənilən işsiz məşqçi məmnuniyyətlə, pul istəmədən gələr. Lakin görünür, bizim öz standartlarımız var.

Öz standartlarımız demişkən, oyunu yayımlayan telekanal məşqçilərin yaxınlığında bir reportyor saxlamaqla, bir növ onları pusdururdu. Bilmirəm dünyada belə bir praktika var, ya yoxdu. Amma onu bilirəm ki, başqasının söhbətini icazəsiz dinləmək qeyri-etikdi.

“Mətbəx”də olanları bayıra çıxarmaq qədər qeyri-etik...


 
tarix: 20-02-2017 15:08

 



Xəbərlər
01.05.2017
01:19 Liderlərdən növbəti qələbə
01:03 PSJ-yə çempionluq yolunda "Nitsa" zərbəsi
00:45 Roma derbisində "Latsio" sevindi, "Napoli" Milandan 3 xalla qayıdır
00:43 "Atletik" "Selta"ya evində "dərs keçdi"
00:02 Nazarovdan növbəti qol - Video
30.04.2017
23:31 Amit Quluzadəsiz AEL “Panatinaikos”a uduzdu
22:10 Budaq Nəsirov “Portu”ya qarşı oynadı
22:04 "Başakşəhər" intriqanı davam etdirdi
21:59 London derbisini "Tottenhem" qazandı
21:53 "Leyptsiq" autsayderlə bacarmadı, "Bavariya" çempion oldu
20:47 “Şah” çempion oldu
20:25 “Kadis” qalib gəldi, İsrafilov...
20:06 Mövsümə qolsuz "sülh"lə yekun vuruldu
19:20 Nazarovdan "Aue"nin qələbəsinə töhfə
18:25 O, üsyan bayrağı qaldırdı: Buraxın, gedim!
17:22 “Malaqa” “Real”ın çempion olmasını istəyir - 1 milyon alacaq
16:27 Fanatlar tələb etdi - Hakimi bizə verin, onu öldürəcəyik
15:26 Şeyx bəyanat yaydı - Korrupsiya ittihamı ilə bağlı
14:50 İslamiada: Millimizin yekun heyəti açıqlandı - Siyahı
14:45 Millimiz yenə uduzdu
14:33 İlqar Nuriyev illər sonra açıqladı: “Gənclər” niyə “öldü”? - Yazı+Fotolar
13:55 “Kəpəz”, “Kəpəz” sədaları altında sağollaşma
13:20 “Böyük beşlik”də 4 çempionluq - Yalnız o bacarıb
12:51 “Qəbələ” mövsümü titulla başa vura biləcəkmi?
12:24 Günün oyunları - TV
11:31 Dadaşov qol vurdu, komandası...
10:14 Kliçko yenə məğlub oldu - Bu dəfə nokautla
06:31 Balotelli erməni modeli təhqir etdi: İyrəncdi! - Foto 
03:25 Mourinyonu tənqid etdi - Ferqyuson heç vaxt belə etməzdi
01:42 "Qarabağ" "Neftçi"ni belə məğlub etdi - Video
00:27 Millimizin üzvü oynadı, komandası uduzdu
00:11 Mövsümün son turunu nə qədər azarkeş izlədi?

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2014 © komanda.az