Emin Tarverdiyev
bütün yazıları
Mehman Muradlı
bütün yazıları
Hüseyn Cəbrayıloğlu
bütün yazıları
Vüqar Məmmədov
bütün yazıları


“Qəbələ” rəhbərliyi nə bilir?

Məmməd Mirzə email: mm_mirze@gmail.com

“Xəzər” TV-də yayımlanan “Futbol saatı” verilişinə dəvət olunan “mehriban düşmənlər” Tahir Süleymanov və Xaqani Məmmədovun nəyi müzakirə etdiklərini bilmirəm. Çünki baxmamışam. Düzü, Emin Abbasovun bu proqramdan uzaqlaşdırılmasından sonra bir növ onu boykot etmişəm. Amma bu verilişdən kiçik bir fraqment “facebook”da statuslara, paylaşımlara göz gəzdirərkən rastıma çıxdı.

Deməli, həmin parçada tez-tez keçmişi xatırlamağı sevən Tahir Süleymanov deyirdi ki, çempion olan komandaların nəticələri hakimlərin adına yazılır. Bu, düzgün deyil. Biz də (yəni “Neftçi”) o zaman çempion olanda deyirdilər ki, hakimlər “Neftçi”yə kömək edir.

Süleymanovun bu fikirlərində hakimlər və Hakimlər Komitəsi müdafiə edilirdi və məsələyə hüquqi məntiqlə yanaşsaq, Xaqani Məmmədov buna sevinməli idi. Amma onun reaksiyasını siyasi-diplomatik məntiqli adlandırmaq olar. Belə ki, Tahir Süleymanov bu fikirləri söyləyəndə Xaqani Məmmədovun üzündə istehzalı bir təbəssüm yarandı. Bunun mənası isə o idi ki, “başqa nə cür olub ki?”. Hər halda, mənə belə gəldi.

Kiyev “Dinamo”su ilə “Beşiktaş” arasında keçirilən Çempionlar Liqası oyunundan sonra Türkiyənin “A spor” kanalında matçın müzakirəsi gedirdi. Dəvət olunan keçmiş futbolçulardan biri (səhv etmirəmsə, adı Alp Pehlivan idi) dedi ki, hakim oyunda tərəf oldusa, onu yenmək mümkün deyil. Onun fikirləri təxminən belə idi: “Hakimin işi meydanda tərəfsiz olmaqdı. Hakim tərəf oldusa, yenilməz. Mən heç karyeram ərzində hakimin tərəf olduğu zaman yenildiyini görmədim”.

Futbolumuzu diqqətlə izləyənlər bilir ki, son 5-6 ildə çempion olan komandaların xeyrinə hakimlər xeyli “səhv” edib. Və bu “təsadüfi səhvlər”in xeyli olması heç təsadüfə oxşamayıb. Təbii ki, bu çempionluqlarda komandaların gücü rol oynayıb, amma... “Əmmalar” da olub.

Elə “Qarabağ” - “Qəbələ” oyununda da (2:1) “təsadüfi səhv” nəticəsində verilən qərar mövsümün sonunda çempion olacağı deyilən komandanın lehinə oldu.

Bu oyundan sonra “Qəbələ” rəsmiləri bildirdilər ki, hakimlik sifarişlidi. Təbii ki, aydın məsələdi, “Qəbələ” rəhbərliyi bunu indi deyirsə, futbol camiəmiz çoxdan danışır. Heç kim uşaq deyil və çörəyi burnuna yemir. Az-çox analiz qabiliyyəti olan istənilən adam hadisələrin gedişini izləyəndən sonra bu nəticəyə gələr. 7-ci turda “Qəbələ” “Qarabağ”ı udub 6 xal önə keçdikdən sonra gedən prosesləri yəqin ki, izləmisiz.

Od olmayan yerdən tüstü çıxmaz deyirlər. Çox vaxt susmağa, danışdıqda isə bunu ehtiyatla etməyə üstünlük verən “Qəbələ” rəhbərliyi də dilə gəlib hakimliyin sifarişli olduğunu deyirsə, deməli, əsassız danışmırlar, görünür, bu barədə məlumatları var.

Amma bu sifariş hansı səviyyədən gəlir, bax, burası maraqlıdı. Ən azı AFFA-nın üst səviyyəsindən gəlməsi dəqiqdi. Çünki PFL özbaşına bu boyda hərəkət edə bilməz. Sifariş federasiyanın üst qatından gəlsə belə, “Qəbələ” bunun qarşısını ala bilər. Çünki “Qəbələ”nin sahibi kifayət qədər nüfuzlu, sözü keçən adamdı və federasiyanın ən üst qatına təsir göstərə bilər. Amma qorx ki, sifariş daha “yüksək”dən gəlsin. Məsələn, tapşırıla bilər ki, “Qarabağ” bizə dövlət siyasəti üçün vacibdi, torpaqların işğalı və Qarabağ adının dünyada tanınması baxımından. Ona görə də, çempion olmalıdı. Bax, bu halda həmin hökmün qarşısını kimsə ala bilməz.

Hökmü hakimlər verir. Hökmü kim verirsə, deməli, əsl hakim odu. Meydanda qaçıb fit çalanlara isə bu halda hakim demək olmaz, onlar icraçılardı.

Hakim müstəqil olmalı və hansısa sifarişi yerinə yetirməməlidi, eləcə hakimlərin qurumuna rəhbərlik edən Hakimlər Komitəsi. Bu, belədimi? Bu baxımdan Tahir Süleymanovun Hakimlər Komitəsinin sədri olmaq istəməməsi, səbəb kimi isə bu qurumun müstəqil olmamasını deməsi onun əsl hakim olmasının göstəricisidi. Bu, alqışlanasıdı. Süleymanovun hərəkətlərində alqışlanmamalı isə daim keçmiş uğurlarını xatırlaması və yeni bir şey etməməsidi. Keçmişlə yaşamağın bizə nəsə verməsi mümkündümü? Zənnimcə, irəli baxmaq lazımdı. Cəmiyyət seçilmiş adamlardan yeni nəticələr gözləyir, əlini-qolunu yanına salıb kənara çəkilməyi və şər qarşısında təslim olmağı yox!


 
tarix: 11-12-2016 15:40

 



Xəbərlər
02.03.2017
01.03.2017
23:25 “Valensiya” “Yuventus”la razılaşdı 
22:38 Daha bir şəhər olimpiadadan imtina etdi
21:21 “Çelsi”dən yeni müqavilə
20:15 “Lester” azarkeşləri pul yığmağa başladı - Ranyeri üçün 
18:59 AFFA-da seçki olacaq
18:54 Arxayınlıq bizə hər zaman problem yaradır - Müsahibə
17:53 Mançinidən “Lester” iddialarına cavab - ...çox təəccüb etdim 
17:25 “Beşiktaş” Demba Baya qovuşdu
17:13 Sifariş kitabı ilə bağlı iclas: AFFA-nı kimlər təmsil edir?
16:50 “Dəmir Mayk”ın bu avtomobili satışa çıxarılır - Fotolar
16:26 Hakan Şükürdən sərt cavab: “Qalatasaray” kiminsə malı deyil
16:11 Bu biabırçılıq bütün İtaliya futbolunu ləkələyir - “Napoli” rəsmisi
15:44 Məşhur tennisçi bu qızla nişanlandı - Fotolar
15:25 Yarı braziliyalı, yarı türk olaraq öləcəm - Aleks
15:13 Şeyx burda uzun müddət qalmağımı istəyir - Amma...
14:35 “Qarabağ” 3411 gündən sonra...
14:32 Cavadovun “200”-ü, AZAL-ın uğursuz “6”-sı
14:28 Kapitan 250-yə çatdı
14:10 Volkan Dəmirəlin taleyinə aydınlıq gəldi - Prezident açıqladı
13:57 Açıqlandı: Sumqayıtda başlayacaq, Bakıda bitəcək
13:18 “Qarabağ”ın oyununun vaxtı məlum oldu
13:04 “İnter” - “Qəbələ” matçının vaxtı açıqlandı
12:48 Peşəkarlıqdan uzaq, AFFA-ya xəyanət... və ya buna nə istəsəz, deyin
12:25 Vurduğu qola niyə sevinməyib? - Foto
12:04 “Qəbələ” üçün “İnter” qorxusu!
11:50 Elxan Məmmədov Gürcüstanda problemlərdən danışdı
11:47 Dmitriyevin xatirəsi üçün güləş
11:20 “Qarabağ”ın “Azersun Arena”dakı ilk məğlubiyyətini nə qədər azarkeş izlədi?
11:01 Günün oyunları - TV
10:46 “Barsa”ya niyə qələbə arzuladı? - “Real”ın əfsanəsi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2014 © komanda.az