Platini “qızıl top” mükafatı üçün əsas favoritini açıqladı

UEFA-nın keçmiş prezidenti Mişel Platini 2019-cu ildə “qızıl top” mükafatı üçün əsas favoritini açıqlayıb.

Komanda.az xarici mətbuata istinadən xəbər verir ki, Platini “qızıl top”a “Barselona”nın futbolçusu Lionel Messinin layiq olduğunu deyib:

“Hazırda “qızıl top” üçün əsas favorit Messidir. Ondan sonra isə Kriştiano Ronaldo. Geridə qalan mövsümdə Messi iştirak etdiyi bütün turnirlərdə yüksək səviyyədə çıxış edib.

Kilian Mbappe? O, mənə Ronaldonu xatırladır. Onda yüksək səviyyəyə çatmaq üçün bütün keyfiyyətlər var. Mbappe hazırda ən yaxşı fransız futbolçudur”.