Çempionlar Liqasında həftənin ən yaxşı futbolçusu açıqlandı

UEFA Çempionlar Liqasında 2019/20 mövsümünün “Bavariya” ilə PSJ arasında baş tutan final matçından (1:0) sonra həftənin ən yaxşı futbolçusu məlum olub.

Komanda.az qurumun saytına istinadən xəbər verir ki, bu, “Bavariya”nın qapıçısı Manuel Noyerdir. 34 yaşlı qapıçı azarkeşlərin səsverməsi nəticəsində qalib olub.

Noyer bu nominasiyada komanda yoldaşları – Kinqsli Koman, Tyaqo Alkantara və PSJ-dən Markinyosu qabaqlayıb.