Çempionlar Liqası: 1/8 finalın ilk oyunlarına təyinatlar açıqlandı

UEFA Çempionlar Liqasında 1/8 final mərhələsinin ilk oyunları çərçivəsində keçiriləcək “Atletiko” – “Liverpul” və “Borussiya” (Dortmund) – PSJ matçına təyinatlar məlum olub.

Komanda.az xəbər verir ki, bu barədə UEFA-nın rəsmi saytı məlumat yayıb.

Madriddə keçiriləcək “Atletiko” – “Liverpul” oyunu Polşadan olan hakimlər briqadasına tapşırılıb. Qarşılaşmanın baş hakimi Şimon Marçinyak olacaq. Ona Pavel Sokolniçki və Tomas Listkieviç kömək edəcək. Dördüncü hakim funksiyasını isə Tomaş Musyal yerinə yetirəcək. VAR hakimləri isə Pavel Gil və Tomas Kviatkovski olacaq.

Almaniyada – Dortmundda keçiriləcək “Borussiya” – PSJ matçını isə İspaniyadan olan hakimlər briqadası idarə edəcək. Görüşün baş hakimi Antonio Mateu Lahos olacaq. Ona Pau Sebrian Devis və Roberto del Palomar kömək edəcək. Dördüncü hakim funksiyasını isə Xose Luis Munuera Montero və Rikardo Burqos olacaq.

Hər iki görüş fevralın 18-də, saat 00:00-da start götürəcək.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button