Tottinin atası koronavirusun qurbanı oldu

Futbol üzrə İtaliya yığmasının və “Roma”nın sabiq kapitanı Françesko Tottinin atası Enzo Totti dünyasını dəyişib.

Komanda.az xəbər verir ki, bu barədə İtaliya mətbuatı məlumat yayıb.

Xəbərdə Enzonun koronavirus pandemiyasının qurbanı olduğu bildirilir. Bir neçə gün əvvəl xəstəxanaya yerləşdirilən Tottinin həyatını xilas etmək mümkün olmayıb.

Qeyd edək ki, Enzo bir neçə il əvvəl infarkt da keçirmişdi.