“Tottenhem”in gözü MS-nin futbolçusunda

“Tottenhem” klubu “Mançester Siti”nin müdafiəçisini transfer etmək istəyir.

Komanda.az İngiltərə mətbuatına istinadən xəbər verir ki, londonlular “Mançester Siti”nin müdafiəçisi Joao Kanselonun xidmətində maraqlıdır. Müdafiəçi axtarışında olan “Tottenhem”in baş məşqçisi Joze Mourinyonun Kanselonu komandada görmək istədiyi bildirilir.

Futbolçu “şəhərlilər”in heyətində kifayət qədər şans qazana bilməməsindən şikayətlənir. Avqustda “Mançester Siti”yə transfer olunan 25 yaşlı futbolçu, cari mövsümdə bütün turnirlər nəzərə alınmaqla iştirak etdiyi 18 oyunda 1 qolla yadda qaldı. Kanseloyla “Valensiya” da maraqlanır.